التسويق عبر السوشيال ميديا لزيادة مبيعات المنتجات أو الخدمات

حاليا فى اكتر من منصة تستخدم فى التسويق عبر سوشيال ميديا ومناسبة للاستخدام فى التسويق للبيزنس الخاص بيك ولتسويق المنتجات أو الخدمات.

ولكن هل كل المنصات مناسبة لأى نوع من البيزنس ولا لأ؟

حنبتدى بأشهرهم وهو “الفايسبوك”، وهو مناسب لأنواع البيزنس بطبيعة ال B2C، بمعنى انه مناسب فى حالة البيع للجمهور أو العملاء بشكل مباشر، ومتوسط الأعمار بيصل ل 40 سنة.

الفيسبوك يستخدم بشكل كبير جدا فى مصر حاليا، وطبعا فى أمريكا ومعظم أوروبا، ولكن غير مشهور كفاية فى دول الخليج.

ثانيا “الانستاجرام”، وهو قريب جدا من خصائص الفيسبوك ولكن يمتاز عنه فى التسويق للمنتجات أو الخدمات المرئية “Visual” زى الملابس، المطاعم، الكافيهات، الهدايا أو أى منتج او خدمة يمكن التعبير عنه بشكل مرئى للتأثير على قرار العميل.

الإنستاجرام مناسب جدا لدول الخليج، مصر، وطبعا أمريكا وأوروبا.

ومناسب لاستخدامه فى ال B2C بشكل كبير جدا، ومتوسط أعمار المستخدمين بيكون غالبا من ال 13 لتحت سن ال30, ويستخدم بشكل أكبر من ال Females.

تويتر يمكن استخدامه لل B2B و الB2C، بمعنى بيع المنتج او الخدمة من شركتك لشركة اخرى، ومنتشر جدا فى الخليج وامريكا وأوروبا ولكن غير منتشر كفاية فى مصر.

لينكدان، يستخدم بشكل اكبر لل B2B، منتشر جدا فى الخليج وامريكا وأوروبا، وبدأ ينتشر بقوة فى مصر.

اليوتيوب منتشر جدا وفى كل الدول ويستخدم فى الB2C بشكل أكبر.

ولكن طبعا حيعتمد على التسويق عن طريق الفيديو واللى هو حاليا من أكتر انواع التسويق تأثيرا فى التسويق الإلكترونى بشكل عام.

بعد فهم انواع منصات السوشيال ميديا وفهم طبيعة البيزنس الخاص بيك، حتختار المنصات المناسبة ليك للتركيز عليها فى التسويق الإلكترونى، ومش لازم استخدام كل المنصات ولكن ركز على منصات السوشيال ميديا إللى تقدر من خلالها تحقق أعلى عائد من الاستثمار.

وطبعا لازم تربط على حسابات البيزنس على منصات السوشيال ميديا كلها ببعض لتزويد عدد المتابعين فى كل منصة.

التركيز دائما بيكون على الجمهور المتفاعل وليس عدد الFollowers او الFans بشكل عام.

يعنى مثلا لو صفحة عليها 10000 فولوير متفاعلين بتكون اقوى من صفحة عليها 100000 ولكن غير متفاعلين.

وطبعا ممنوع تماما استخدام ال Fake Likes تماما لانه ممكن يضر البيزنس بشكل كبير جدا.

حلقات البرنامج كاملة

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.